காதலன் முகம் காண
காத்திருந்த நொடிகள்
எத்தனையோ ஏக்கங்கள்
ஏந்தலையாள் மனதினுள்
காதலியின் வரவை எண்ணி
நெஞ்சோடு கலந்த
நெகிழ்வான கற்பனைகளை
ஒவ்வொன்றாய் எண்ணியபடி
காத்திருந்த காதலரின்
கண்கள் பேசிடும்
காதல் மொழிகளில்
கரைந்திடும் கவலைகள்
எத்தனையோ நாட்களாய்
ஏற்றி வைத்த காதல் தீபம்
காதலர் மூச்சுப்பட்டு
களிப்புடன் மிளிர்கிறது
மெல்ல நடை பயின்று
மென்மையான உள்ளங்களை
மலர்தூவி வெளிக்கொணர
மங்கையிவள் சிலிக்கிறாள்
உள்ளத்து உணர்வுகள்
கண்களில் பேசிட
ஓர் ஜோடி உயிர்கள் இங்கே
காதலை பகிர்ந்து தம்
கனவுகளை நனவாக்க
காதலர் இங்கே தம்
காதல் மனங்களுடன்
நாணங்கள் பொங்கிட
கானங்கள் இசைத்திட
காதலர் கைகோர்க்க
காத்திருக்கும் நிமிடம் இது
மணிக்கணக்காய் கதை பேசி
மகிழ்ந்திருக்கும் உள்ளங்கள்
விடைபெறும் நொடியிலும்
காதல் குறையவில்லை
கையசைத்து விடை கூற
காதலர்க்கு தேவையில்லை
கதை பேசும் கண்களே
ஆயிரம் கதை கூறும்
பார்வைகளின் பரிமாற்றம்
இதழோர புன்னகை
இதமான நினைவுகள்
என்றென்றும் காதலுக்கு
விட்டு விட்டுத் துடித்திடும்
இதயத்தின் இனிமையும்
வினாக்களை எழுப்பிடும்
விழிகளின் கேள்வியும்
பதில் கூற பார்த்து நிற்கும்
பார்வைகளின் ஏக்கமும்
காதல் மனங்களிற்கு
சொர்க்கத்தின் வாசலே
தம்மையே அறியாத
காதல் அழகொன்று
புதிதாக தவழ்கிறது
காதல் மனங்களிலே
பார்க்கும் பொருளிலெல்லாம்
பொதிந்திருக்கும் காதலுடன்
பாரினிலே காதலர்கள்
பரிவுடன் காதல் செய்க
Comments
Post a Comment