பிறந்த நாள்- nanban piranthanaal vaalthu

என் நண்பன் 

 குணத்தில் பாலன்
சிரிக்கவைத்தே சமூகத்தைச்
சுத்தம் செய்யலாமென
சகலரையும் கூப்பிட்டவன்!
சிந்திக்க வைப்பதில்
சார்லி சப்பிளினையும்
சாப்பிட்டவன்!
சிரிக்கத் தெரியாத
முகங்களில் கூட
சிரிப்பு விதையை நட்டவன்!
நையாண்டி என்னும்
நாட்டுத் துப்பாக்கியால்
மூடக் கருத்துக்களைச் சுட்டவன்!
ஒன்பது வயதில்
ஒப்பனை பூசத் தொடங்கியவன்
இவனைப்போல இன்னும்…
நூறு மலர்கள் மலரட்டும்
நாறும் உலகம் சிறக்கட்டும்!
என் நண்பன்
நூறு வயதுவரை வாழட்டும்
நாளைய உலகமும் மகிழட்டும்!
வாழ்க கலை
வளர்க கலைப்பணி!